مستەفا دۆڵەمەری-سۆران:
بەپێی راگەیاندراوێكی بەڕێوەبەرایەتی بەرگری شارستانی سۆران، كە وێنەیەكی بۆ زاری كرمانجی نێردراوە تیادا چەند رێنماییەك بۆ رۆژانی جەژنی نەورۆز خراونەتە روو.
١- دوور کەوتنەوە لە سوتاندنی تایەی ئۆتۆمبێل چوونکە جگە لەوەی دیاردەیەکی ناشارستانیە دەبێتە هۆی پیس بوونی ژینگە.
٢- لە کاتی دەرچوونتان لە ماڵەوە بۆ گەشت و سەیران ( کارەبا – غاز ) لە سەرچاوەی سەرەکی بکوژێنەوە.
٣- بەهیچ شێوەیەک لەم ناوچانە نزیک مەکەونەوە کە گومانی هەبوونی لوغم و پاشماوەی تەقەمەنی لێیە ئەمەش لە رێگەی
تابلۆی ئاگەداری روون کراوەتەوە.
٤- خۆتان دوور بگرن لە سەرکەوتن بەسەر شاخەکان کە زۆر جار دەبێتە هۆی وون بوونی رێگاکانتان و رۆیشتن بۆ شوێنە سەختەکان و دواتر خلیسکان کە مەترسی لەسەر ژیانتان دروست دەکات.
٥- لەکاتی چوونە سەر رووبار و سەرچاوە ئاویەکان چاودێری منداڵەکانتان بکەن.
٦- لەکاتی گەرانەوە بۆ ماڵەوە سەرچاوەی ئاگرەکانتان بە تەواوی بن بڕ بکەن رەنگە دواتر سەرهەڵ بداتەوەو زەرەر بە سروشت بگەیەنێت هەروەها بە مەبەستی پاراستنی سروشت پاشماوەی خۆراک و زبڵ و خاشاک بەجێ مەهێڵن دوای خرکردنەوەیان لە شوێنی گونجاو فرێی بدەن.
- هاووڵاتییان و گەشتیاران لە کاتی دروست بوونی هەر رووداوێک دەتوانن پەیوەندی بە م ژمارە تەلەفۆنەکانە بکەن.
(07507966355 – 07502401171) – (115)
