کوردستان یاسین
سۆران پێی خستە یەک ساڵەیی سەربەخۆیی ئیدارەبوونی، بەپاڵپشتی کابینەیی نۆیەمی حکومەتی هەرێمی کوردستان ساڵێک لەمەوبەر بە ئاماددەبونی سەرۆکی حکومەت ڕێزدار مەسرور بارزانی بریار لەسەر سەربەخۆبونی ئیدارەیی سۆران درا.
جیا لە بەرفراوانی سنوری ئیدارەیی ئەم ناوچەیە، سۆران هەمیشە لانکەیی شۆڕش و بەرخودان بووە لە هەموو ساتەوەختەکاندا هاولاتیانی سۆران قارەمانانە بەرگریان لە خاک و نیشتیمان کردووە لەپێناو نەهێشتنی زلم و ستەم هەنگاونان بۆ سەربەخۆیی و دەربازبوون لە ژێردەستێ.
بەهەمان شێوە ئافرەتانیش لەم سنورە بێگوێدانە جیاوازیە ڕەگەزیەکان خۆڕاگرانە شان بە شانی قارەمانی و لێهاتویی پێشمەرگە نەبەردەکان لە شۆڕش بوون و خەباتیان کردووە، هەمیشە لەهەوڵی پەروەردەیێکی نیشتیمان پەروەرانەدا بوون بۆ ڕۆڵەکانی ئەم سنورە هاوشانی گشت ڕۆڵەکانی نشتیمان.
مێژووی ئەم سنورە شاهێدی خەبات و چاونەترسانی ئافرەتەکانی بووە، لەدوایی بە ئیدارەبونیشی ئافرەتانی سۆران بێ وچانانە لە هەوڵن بۆ خزمەتکردنی ناوچەکە و پاڵپشتیکردن و هەنگاونان بۆ باشتر کردنی خزمەتگوزاریەکان و بە کوالێتی کردنی پڕۆژەکان، وە چاوەڕێیی دەرفەتی زیاترن بۆ سەلماندنی ئازایی و کارزانیان لە بابەتی بەڕێوەبردن و ناوەندە بڕیار بەدەستەکان، چونکە لەدوایی بە ئیدارەبونی زۆربەیی بەڕێوبەرایەتیەکانی سۆران کراونەتە بەڕێوبەرایەتی گشتی و بەڕێوبەرایەتی نوێ دامەزراون لەم پۆستانەش دەبێت و پێویستە وەک وەفایێک بۆ خەبات و خۆڕاگری ئافرەتان لەم ناوچەیە، وە بۆ تێکەڵکردنی کارکردنە زیرەک و لێوەشاویەکانیان ڕۆڵی زیاتر و بەرچاویان هەبێت.
خۆشبەختانە سۆران ناوچەیێکە خاوەن ئافرەتی زۆر لێهاتو خاوەن ئەزموونە کە لە قۆناغە سەخت و دژوارەکانی نیشتیمان زۆر ئازاو بوێرانە جەنگاون دژی نادادی و ستەمکاری.
ئەوەیی شایەنی باسە لە ماوەیی یەک ساڵەیی سەربەخۆ بوونی ئیداریی سۆران زۆر جدیانە هەوڵ دراوە بۆ بەرەو پێشبردنی تواناو لێهاتویەکانی ئافرەتانی ئەم ناوچەیە بە پاڵپشتی ئیدارەیی سەربەخۆیی سۆران.
چ بە کردنەوەیی خولی پیشەیانە و هێنانە پێشەوەیی ئافرەتان بێت، یاخود بەرفراوانکردنی مەودایی کارکردنیان چ بە شێوەیی سەربەخۆیی یاخود لە دامەزراوە حکومییەکان.
وە نەهێشتنی بیری توندوتیژی و ڕەگەزی لە بەرامبەیان کە ئەمەش دەرفەتێکی زۆر باشە بۆ پیشاندانی لێهاتویی و بڕیاربەدەستی ئافرەتان لە مەسەلەیی بەڕێوەبردن و توانایی ئەنجامدانی کاری سەربەخۆ، وە چونە نێو دونیای وەبەر هێنان و گرینگیدان بە کاری دەستی و بەهرەیی خودی…
وەک چۆن لە خەباتی شاخ ئافرەتانی ئەم ناوچەیە ڕۆلێکی بێمەزندەیان هەبووە لە سەرکەوتنەکان ورە بەرزانە هاوکاریدەربوون، بەهەمان شێوە لە خەباتی شار هەوڵەکانیان خستۆتەگەر بۆ زیاتر خزمەتکردن و هەوڵدان بۆ زیاتر کردنی داهاتی ناوخۆیی و خزمەتگوزاریی زیاتر.
لە هەڵکشانی تەمەنیشی ئیدارەیی سەربەخۆیی سۆران بێجیاوازیانە ئەرکیەتی لەپێناو بەرەوپێشبردنی ناوچەکە ڕۆڵەکان هاوکێش بکات، بۆ خزمەتکردنی زیاتری هاوڵاتیە نیشتیمان پەروەرەکانی ئیدارەیی سۆران.
