محەممەد مەحموود – ئیدارەی سۆران :
بەپێی ساڵنامەی خوێندنی وەزارەتی پەروەردەی حكومەتی هەرێمی كورستان بۆ ساڵی خوێندنی (2022-2023) ئەمڕۆ سێشەممە رێكەوتی 13-9-2022 یەكەم رۆژی ساڵی نوێی خوێندن لە هەرێمی كوردستان دەستی پێكردوو بەچەند مەڕاسیمێكی پەروەردەیی زەنگی خوێندن لێدرا، بە پێی بەدواداچوونێكی وردی زاری كرمانجی لە ئیدارەی سۆران 81,415 قوتابی روو لە ناوەندەكانی خوێندن دەكەن.
ئینزار تاهیر ، بەرپرسی بەشی پلاندانان لە پەروەردەی سۆران ئاماری بەم جۆرە خستەروو”
لە پەروەردەی سۆران 1185 فەرمانبەری میلاكمان هەیە و هیچیان وانەبێژنین، 2082 مامۆستای هەمیشەییمان هەیە و 1508 مامۆستاش وانەبێژن و 271 بەڕێوەبەری قوتابخانەمان هەیە لەو ژمارەیەش 261 هەمیشەین و 10 بەڕێوەبەریش وانەبێژن، لەگەڵ 181 یاریدەدەر لەو ژمارەیە وانەبێژی تێدا نییە و گشتیان هەمیشەیین ، 53 سەرپەرشتیاریمان هەیەو كۆی گشتی فەرمانبەر ، مامۆستا، سەرپەرشتیار، بەڕێوەبەر، یاریدەدەرەكان دەكاتە 5280 پێنج هەزار و دووسەدو هەشتا.
كۆی گشتی قوتابییانیش بە تەواوی قۆناغەكانی خوێندن بریتین لە 51,432 پەنجاو یەك هەزارو چوار سەت و سی و دوو قوتابی .
لە پەروەردەی مێرگەسۆر ژمارەی مامۆستایانی وانەبێژ زیاترن لە مامۆستایانی هەمیشەیی، لەو ژمارەیەش تەنها 5 مامۆستای وانەبێژ بەڕێوەبەرن.
موجاهید رەزاق ، بەرپرسی بەشی پلاندانان لە پەروەردەی مێرگەسۆر ئاماری پەروەردەكەیان بەم جۆرە دەخاتەروو”
لە پەروەردەی مێرگەسۆر 641 فەرمانبەری میلاكمان هەیە و هیچیان وانەبێژنین، 689 مامۆستای هەمیشەییمان هەیە لەگەڵ 977 مامۆستاش وانەبێژ، بەمەش مامۆستای وانەبێژمان زیاترە لە هەمیشەیی، هەروەها 170 بەڕێوەبەری قوتابخانەمان هەیە كە مامۆستای هەمیشەین و 5 بەڕێوەبەریش وانەبێژن، لەگەڵ 51 یاریدەدەر لەو ژمارەیە وانەبێژی تێدا نییە و گشتیان هەمیشەیین، 16 سەرپەرشتیاریشمان هەیە، كۆی گشتی ئەو ئامارەی فەرمانبەران و مامۆستایان و سەر پەرشتیاران بریتییە لە 2549 “.
موجاهید رەزاق ، ژمارەی قوتابییانیشی بۆ زاری كرمانجی باسكردوو گووتی ” لە پەروەردەی مێرگەسۆر
كۆی گشتی قوتابییانمان بە تەواوی قۆناغەكانی خوێندن بریتین لە 15084 پازدە هەزارو هەشتاو چوار قوتابی، جگە لە قوتابییانی دەرەكی تاكو مانگی 10 ئامارەكەیان بەردەست نابێت.
هەندرێن كەرووب ، بەرپرسی بەشی پلاندانان لە پەروەردەی رواندز ئاماری ئەمساڵی پەروەردەكەیان لە رێگەی زاری كرمانجییەوە ئاشكرا دەكات و دەڵێت” لە پەروەردەی رواندز 253 فەرمانبەری میلاكمان هەیە لەگەڵ 603 مامۆستای هەمیشەیی و 250 مامۆستای وانەبێژو 79 بەڕێوەبەری قوتابخانە و 13 یاریدەدەر و 20 سەرپەرشتیارمان هەیە”.
هەندرێن كەرووب گووتیشی ” بۆ ئەمساڵی خوێندن لە پۆلی یەكەمی بنەڕەتی تاكو پۆلی 12 ئامادەیی ، 7633 قوتابی لە سنووری پەروەردەی رواندز روو لەناوەندەكانی خوێندن دەكەن.
كانی حوسێن ، بەرپرسی بەشی خۆیەتی و میلاك لە پەروەردەی چۆمان گووتی”
لە پەروەرووەی چۆمان 621فەرمانبەری میلاكمان هەیە و هیچیان وانەبێژنین، 496مامۆستای هەمیشەییمان هەیە و 513 مامۆستاش وانەبێژن، لەگەڵ 100 ڕێوەبەری قوتابخانەمان هەیە و لەو ژمارەیەش 2 بەڕێوەبەروانەبێژن، ، لەگەڵ 25 یاریدەدەر لەو ژمارەیە وانەبێژی تێدا نییە و گشتیان هەمیشەیین ، 17 سەرپەرشتیاریمان هەیەو كۆی گشتی فەرمانبەر ، مامۆستا، سەرپەرشتیار، بەڕێوەبەر، یاریدەدەر دەكاتە 1782هەزار
كۆی گشتی قوتابییانیش بە تەواوی قۆناغەكانی خوێندن بریتین لە 7266 قوتابی
کۆی گشتی قوتابییان لە سنووری ئیدارەی سۆران پێکدێن لە 81,415 هەشتاو یەک هەزارو چوارسەت و پازدە قوتابی.
سەیوان عەلی ، بریكاری وەزارەتی پەروەردەی حكوومەتی هەرێمی كوردستان رایگەیاند : لە لایەن وەزارەتی پەروەردەی حكومەتی هەرێمی كوردستان تەواوی ئامادەكارییەكان كراون بۆ ئەمساڵی خوێندن و هیچ كێشەیەكمان نییە و لەوادەی خۆیدا پڕۆسەی خوێندن بۆ ساڵی نوێ دەست پێدەكات، بە بەشداری ملیۆنێك و 750 هەزار قوتابی و نزیكەی 150 هەزار مامۆستا.
