ئەڤین ئەبابەكر
هەندێك جار لە كۆمەڵگەیەكدا دەوڵەتمەدار و سیاسەتمەداران بە پەردەپۆشكردنی هەموو كێشەكان چ بچووك و گەورە هەوڵ دەدەن بارودۆخی كۆمەڵگەكەیان باش دەربخەن، هەرچەندە جیاوازیەكی زۆر هەیە بەڵام لە هەندێك كۆمەڵگەدا سیاسەتمەداران هەوڵ دەدەن لە كێشە ورد و گەورەكانی كۆمەڵگەكەیان تێبگەن و بە تێگەیشتنێكی دروست چارەسەریان بكەن، ئەم كۆمەڵگەیە شاهیدی گۆڕانكاری و پێشهاتی زۆر دەبێت، پێكەوە بیركردنەوە لە فەزای دەستێكی كۆمەڵگەدا دەتوانێت تێگەیشتنێكی دەنگ بەرز و ڕوون بێت بۆ داهاتوومان، سیاسەت كۆی ڕۆڵی كۆمەڵگەی ئێمە نییە، رۆڵگێڕانی هەر تاكەكمان رۆڵێكی رەنگاوڕەنگی هەیە لە دروستكردنی رۆژ یانهەفتەیەكی تەواودا، بۆ ئە وە ی بتوانین لە هەموو تەمە ن و پانتایی جێندەری كۆمەڵگە كەلك وەربگرین بۆ گرنگیدان بە تێگەیشتن لە ژیان، دەتوانین هیواخوازبین كە لە سەر رێگای گەشەوە هەنگاومان ناوە، راستی بەشداریكردن و هاوبەشیكردن تەنها لە بوونی حكومەتی كوردستاندا نەبێت، بەڵكو لە دڵ و دەروونی هەموو خەڵكی كوردستاندا بێت، بۆ ئەوەی بتوانرێت مانای بەشداریكردن لە هەموو ئاستەكانی كۆمەڵگەدا رێكبخرێت.
بەڵام بەشداریكردن بەبێ هۆشیاری مومكین نییە، ئەمەش هۆشیارییەكی روونە لە سیاسەت بۆ هەموو كۆمەڵگە و دروستكردنی بیركردنەوەی گروپی بۆیان، دەبێت بتوانین هەموو چین و توێژەكانی كۆمەڵگە هان بدەین بۆ بەشداریكردن، بۆ ئەوەی لەسەر رێگای راستی گەشەكردن بین، بەڵام لە رێگای گەشەسەندندا پێویستە گرنگی بەو خاڵە گرنگانە بدەین كە بە كێشە و سەختیەكانی جددی لە سەر رێگای گەشەكردن دادەنرێن، لە كۆمەڵگەی ئێمەدا ئەو كێشە دژواریانە دەتوانن لە شێوەی كەلێنی فیكری و تیۆری لە نێوان گروپی تەمەن و رەگەزدا بن، بۆ ئەوەی بتوانین رۆڵی بەشداریكردن لە هەر گروپێكی تەمەنیدا دیاری بكەین و داوا لە هەردوو رەگەزی نێر و مێ بكەین بەبێ ئەوەی بەدواداچوون لە ماڵپەڕەكەدا بەشداری بكەن و هەر پلانێكمان هەبێت بۆ بیركردنەوە و ئارەزووەكانمان، بە دڵنیاییەوە رووبەڕووی شكست دەبینەوە، بۆیە پێویستی پێشكەوتن لە رێگەی گەشەكردن و دروستكردنی كەشێكی هاوكاریدا دەبێت لە نزمترین گروپی تەمەن و بۆ هەر رەگەزێك هەلومەرجی پەروەردەی سیاسی و تێگەیشتن بڕەخسێنین، بۆ ئەوەی هەموو كۆمەڵگە بزانێت لە چ رۆڵێكی گرنگدا دەگێڕن بۆ باشتركردنی بارودۆخی گشتی خۆیان، ئەم جۆرە پەروەردەیە بە بەكارهێنانی شێوازی سەرنجڕاكێش و داهێنەرانە لە تەمەنێكی بچووكدا و بە شێوەیەكی باشتر و سوودوەرگرتن بۆ منداڵان، دەتوانێت هانی منداڵەكانمان بدات هەم بۆ رۆڵی جەوهەرییان لە داهاتوودا هەم بۆ قبوڵكردنی خێزانەكانیان لە بەشدارییەكی فراواندا، ئەگەر دۆخەكە بە جۆرێك بەرەوپێش بچێت كە هەر مرۆڤێك خۆی بە ئەركدار بزانێت كە رۆڵێكی گرنگ بۆ كۆمەڵگە بگێڕێت یاسا و رێسای زیاتر دەبینین، لە ئەنجامدا بە خێرایی و دروست هەنگاو دەنێینە سەر رێگای گەشەسەندن.
