هشیار شكاك خورشید
نكۆڵی لەوە ناكرێت ئێوە تا سەر ئێسكان دژایەتی هەرێمی كوردستان دەكەن، ئەم دژایەتی و قین لە دڵەی ئێوە هی ئەمڕۆ نییە سەری هەڵداوە، بەڵكۆ ریشەیەكی دوور و درێژی هەیە، بۆ ئەمەش هەرچی لە باغەڵ و مێشك و دەستتاندا بێت كردووتانە، تا كیانی سیاسی هەرێمی كوردستان هەڵبوەشێنەوە و لە ناو ببەن، ئێوە هەتا دوێنێ بوو هەوڵتان دابوو هەر چی دادگا و بڕیار و بڕینی مووچە و هێزی سەربازی هەیە بەكارتان هێنا بۆ دژی هەرێمی كوردستان، ئەمڕۆش هەر چی قەڵەم بەدەست و رۆژنامە و رۆژنامەنووس و شاشە و نووسینی سەر بە ئێوە هەن كەوتوونەتە سێرە گرتن لە هەرێمی كوردستان، كە هەرێمێكی دەستووری و یاسایی سەر بە عێراقە، بەڵام ئێوە دەبێت لەوە تێبگەن و بزانن ئەو هەرێمەی ئێوە باسی دەكەن و نیشانەتان لێ گرتووە، هەروا بە ئاسانی دروست نەبووە ، تاوەكو بە هەندێ قەڵەم بە دەست و رۆژنامە و شاشە هەڵبوەشێتەوە، ئەم كەلتوورەی ئێوە تازە و نوێ نییە، بەڵكو لە بەرەباب و پشتاوپشتەوە بۆ ئێوە بەجێماوە، چونكە ئەگەر ئێوە راست دەكەن و لە خەمی عێراقدان، پێویستە بیر بكەنەوە ئەو سەنگ و پێگە و ناو و ناوبانگەی ئێستا بە عێراقەوە ماوە و لكاوە لە سایەی هەرێمی كوردستانەوەیە، لەبەر ئەوەی هەرێمی كوردستان ئێستا بە باشترین كاتەكانی پێشڤەچوونی خۆی هەنگاو دەنێت، بەردەوام لە كۆڕبەند و ئاوەدانی و پێشكەوتنی بەردەوام دایە، ئەگەر هەرێمی كوردستان سەربەخۆ بێت ئەوا شتێك بە ناوی وڵاتی عێراقەوە نامێنێت .
بۆیە لە كوتایدا دەلێم ئێوە هەر بە راپرسی و شاشە و رۆژنامەنوس و رۆژنامەكانتان هێرشی سەر هەرێمی كوردستان بكەن ، ئێمەش بە ئاوەدانی و پێشكەوتنەكانی رۆژانەی خۆمان وەڵامتان دەدەینەوە.
