لاوان سەركردە و داینەمۆی پێشكەوتنی كۆمەڵگەن
نەوزاد عەزیز
لاوی سەركردە ئەو كەسەیە كە باوەڕی بەپرسێك بۆ دروست دەبێت، دەبێتە هەڵگری و بۆی ئەژی و ئامادەیە لەپێناویدا گەورەترین قوربانی بدات، لەبەرئەنجامی ئەو “بیر و هزرەی” كە لاو لەپێناویدا دروست بووە، توێژی لاوان گەورەترین سەرمایەی مرۆیی و داهێنەری چالاك و هێزی بونیادنەر و داینەمۆی بەرەو پێشبردن و گۆڕینی ئاراستەی ڕووداو پێش هاتەكانن بەسوودی یان زیانی تەواوی كومەلگەكاندا.
لەمێژووی مرۆڤایەتیدا زۆرن ئەو كەسانەی دەبن بەلاوی سەركردە یاخۆد نازناوی لاو پێ دەبەخشن، چونكە لاو هەیە هی ولاتە و دەبێتە سەركردەیەكی دلسۆز و میهرەبان ونیشتیمانپەروەر یان دەبێتە هی تاقم و گروپێك دەست تێكەل دەكات لەكاری مافیاگەری و خوێن ڕێژی لەزیان گەیاندن زیاتر بۆ كومەڵگە هیچی تری لێ شین نابێت.
بوویه ئەم جۆرە لاوە ڕەنگە بۆ ماوەیەك وەك سەركردە و دەستەڵادا بژیتیان لە نموونەی كام لاوی سەركردە حۆكم بكەیت. چونكە زۆربەی شوڕش و ڕاپەرین و پێشكەوتنەكانی جیهان لەسەر شانی ئەو توێژە هاتووتەدی، ئەگەر سەیری مێژووی نەتەوەكەمان بكەین لامان ڕوونە كەتوێژی لاوان بەڕابەرایەتی باوكی ڕۆحی نەتەوەی كورد”بارزانی نەمر كە فەرموویەتی”لاوانی كورد شورەی پۆڵاینن بۆ پاراستنی كوردستان” بوویە لەم سۆنگەیەوە لاوان رۆلێكی دیار و بەرچاویان هەبووە لەسەرجەم شۆڕش و ڕاپەرینەكانی كوردستان، بەلگەش بۆ ئەمانە شورەشی ئەیلولی مەزن و گۆلانی پێشكەوتووخواز و ڕاپەرینی بەهاری ساڵی 1991و هێرشی ناڕەوای دەوڵەتی تیرورستی داعش بۆ سەر كوردستان.
لەسەرووی هەمووانەوە باوكی رۆحی نەتەوەیمان جەنابی”بارزانی نەمر” نموونەی لاوی سەركردە بووە كەبەدرێژایی تەمەنی لەخەباتكردنی هەموو هەولێكی لەپێناو ئازادی و دیموكراسی بووە بۆ مرۆڤایەتی و گەلی كورد بەتایبەتی، هیچ كات ئەو ئامادە نەبووە لەپێناو خۆیدا سەركردە و رابەر بێت، بوویە ئێستاش هەموو جیهان و گەڵی عێراق و كوردستان بەشانازیەوە ناوی دەهێنن و بۆ هەتا هەتایە لە”بیر و هزری” هەموو مرۆڤێكی خاوەن وویژدان دەمێنیتەوە.
