زاری كرمانجی :
دوای بوومەلەرزە بەهێزەكەی توركیا، رۆژ بە رۆژ ناوی كەسایەتی و هونەرمەند و ئەكتەر و وەرزشوانە دیارەكان بڵاو دەكرێنەوە كە بوونەتە قوربانی بوومەلەرزەكە، بە پێی دوا هەواڵی دەزگاكانی راگەیاندنی توركیا، تەواوی تیمی وەرزشی قوبرس گیانیان لە دەستداوە.
یاریزانان و ئەندامانی تەكنیكی قوبرس كە بە مەبەستی بەشداریكردن لە یارییە وەرزشییەكان روویان لە توركیا كردبوو، بە هۆی بوومەلەرزەكەوە كەوتنە ژێر داروپەردووی هۆتیلی گراند ئیسیاس لە شاری ئادیەمان.
بەپێی سەرچاوە هەواڵییەكان، تیمی وەرزشی و تەكنیكی قوبرس لە 50 یاریزان پێكهاتبوو، كە زۆربەیان منداڵا بوون و هیچ كامەیان لەم رووداوەدا دەربازیان نەبووە.
