زاری كرمانجی- سۆران:
تیمەكانی هاوكاری كوردستان لە باكوور توانیان كچێك و باوێك لە ژێر بینا داروخاوەكان رزگار بكەن.
رەوەند حاجی، ئەندامی دەستەی كارگێری دەزگای خێرخوازی بارزانی، كە نێردراوی دەزگاكەیە بە زاری كرمانجی گووت “دوای ئەوەی جەنابی سەرۆكی حكومەت بڕیاریدا تیمەكانی حكومەتی هەرێمی كوردستان بۆ هاوكاری بچنە باكوور و بۆ ئەم مەبەستە وەزارەتی ناوخۆ و تەندروستی و دەزگای خێرخوازی بارزانی راسپارد بۆ ئامادەكاری خێرا، ماوەی كەمتر لە 24 كاتژمێر تیمەكان ئامادەكران و سنووری باكوورمان تێپەڕاند، گەیشتنە شارەكانی كوردستان و دەزگای خێرخوازی بارزانی دەستی بە دابەشكردنی هاوكارییەكانی كرد، بە تایبەتی كە دەزگاكەمان بە 50 كارمەند بەشدار بوونە لەم تیمە، جگە لە دەیان كارمەندی دیكەی خۆبەخش كە لە باكوور لەگەڵ دەزگای خێرخوازی بارزانی كار دەكەن”.
سەرپرشتیاری تیمی نێردراو بۆ باكوور زیاتر روونیكردەوە” تیمی رزگار كردنمان هەیە، تیمی تەندروستیمان هەیە كە پێكهاتوون لە 11 پزیشك و ئامبولانس و دەرمانی پێویستمان هێناوە و دابەش دەكرێت و ئەو بریندارەكان چارەسەر دەكەن، هەر دوێنی تیمی تەندروستی 380 برینداریان چارەسەر كردووە، ئەمە جگە لە هاووڵاتییانی نەخۆش”.
لە بارەی تیمی رزگاركەریش گووتی ” تیمی رزگار كردن و وەڵامدانەوەی خێرای هەیە، كە لایەن حكومەتەوە راهێناوە بۆ رزگار كردن خەڵك، پاڵپشتی و هاوكاری تیمەكانی حكومەت دەكەن، ئەو تیمە لە سێ باڵەخانەی رووخاو كار دەكەن توانویانە باوكێك كچ رزگار بكەن، هەر وەها چەند تەرمێكیان لەژێر باڵەخانە دەرهێناوە”.
رەوەند حاجی گووتیشی” شاری نوورداخ زۆر كاریگەری بوومەلەرزەكەی بەسەرەوە بووە و وێران بووە، هەر لەوێ 5 هەزار بەتانیمان دابەشكرد، لە شاری ئادیامان 2 هەزار خواردنی خێرا دابەشكرا، خواردنەكانیش پێكدێت لە سەبەتەكێك كە پێویستە بۆ خێزانێكی رزگار كراو وەریبگرێت، 10 ئۆتۆمبێلی بارهەڵگری گەورە ئاو داخیل كراو لەگەڵ كۆمپانیای یوبی هۆلدێنگ، ئەمەش دابەش دەكرێت بە پێی پلانێكی دارێژراو، 1000 بەتانی ئامادەیە بۆ دابەش كردن، لە شاری ئیسلاحییە كە ئێستا لەگەڵ تیمی رزگاركەری حكومەت و تیمی تەندروستی بە پزیشك و ئەمبولانسەوە لەوێن”.
رەوەند زیاتر گووتی ” بەنیازین مەتبەخێكی خێرا لە دیاربەكر دابنێین و خواردنی خێرا دابەش بكەین”.
زیاتر رونیكردەوە ” تیمەكانی ئێمە لە باكوور بە تیمەكانی هاوكاری كوردستان ناسراون و زۆر چالاكن، تیمەكانمان پێكهاتووە هێزێكی وەزارەتی ناوخۆ و بەرگر شارستانی و تەندروستی فریاكەوتنی خێرا”.
