شەهلا رەشید- زاری كرمانجی
سەرەڕای به‌فرو سەرما و ناجێگیری كەش و هەوا، بەڵام نەخۆشخانە و بنكە تەندروستییەكان بەڕووی نەخۆش و هاووڵاتییان كراوەن.
د. ئەحمەد حەسەن، بەڕێوەبەری تەندروستی چۆمان، بە زاری كرمانجی راگەیاند” لە قەزای چۆمان دەوامی نەخۆشخانە و بنكە تەندروستییەكان ئاساییە و هیچ ئاستەنگێك دروست نەبووە كە ببێتە هۆی نەگەیشتنی پزیشك و كارمەندانی تەندرووستی بە دەوامی رۆژانەیان”.
ئەوەشی خستەڕوو ” سەبارەت بە رێگاكانی دەروازەی نێودەوڵەتی حاجی ئۆمەران، راستە لە ناوچەكە بەفرێكی زۆر باریووە، بەڵام هیچ ئاستەنگێك نییە و هاتووچۆ لەوێش ئاساییە.
