لە خەلیفان نەوت بەسەر خێزانە كەمدەرامەتەكان دابەشكرا

سۆران سرێشمەیی-خەلیفان:
نێچیروان عەبدولواحید، بەرپرسی نووسینگەی سۆرانی ڕێكخراوی خێرخوازی بارزانی بە زاری كرمانجی ڕاگەیاند:” لە بەردەوامی دابەشكردنی نەوت بەسەر خێزانە كەمدەرامەتەكان لە سنووری ئیدارەی سۆران، دوێنێ 1 شوباتی 2023 بڕی 100 لیتر نەوت بەبێ بەرامبەر بەسەر 400 خێزانی سنوری ناحیەی خەلیفان دابەشكرا.”
بەرپرسی نووسینگەی سۆرانی دەزگای خێرخوازی بارزانی ئاشكرایكرد:” بەشێوەیەكی گشتی 3000 هەزار خێزان لەو هەڵمەتە سوودمەند دەبن و لیستی ناوەكانیش لە لایەن لێژنەی قایمقامییەت و ناحیەكانەوە ئامادە دەكرێت و لەسەر ئەو بنەمایە دابەشكردنی نەوت لەلایەن دەزگای خێرخوزای بارزانی بەردەوام دەبێت.”