زەهرا بەرواری
ئهڤه د دهمهكی دايه كۆ رۆژ ب رۆژێ رۆيدانێن نهچاڤهرێ كرى دهێنه ديتن كۆ بهرامبهرى كچێن سنێله دهێنە كرن چ ب شێوهيهك دروست يان ژى ل تورێن كۆمهڵايهتى دهێن نيشان دان، راسته ئهم بهرهڤ سهردهمهكى چوينه كۆ رۆژانه چ ب رێكێن رێكخراوێن ئافرهتان چ ب رێكخراوێن داكوكى كرنا مافێ ئافرهتێ دا كار دكهن رۆژانه چهندين سمينار و وورك شوپ دهێنه ئهنجام دان لدور پاراستنا مافێ ئافرهتان و كچێن سنێله دناڤ كۆمهڵگههێ دا دهێن گێران ههرچهنده ئهم بهرهڤ ريێهكا بلهز چوينه كۆ رۆژانه ب رێكا تورێن کۆمهڵايهتى چهندين بهلاڤوك يان كورته فلم دهێن نيشان دان لدور پاراستنا مافێ وان، بهڵێ دبينين ل ڤان چهند رۆژێن بورى كچهكا سنێله يان د ژيێ چاڤهرێ ژيانهكا بهختهوهر ژلايێ بابێ وێ ڤه دهێته كوشتن ب شێوهيهكێ درندانه دوير ژ مرۆڤايهتى، ئهڤ كچه چاڤهرێ مهزن بونا خۆ بۆ كو بگەهيته پاشهرۆژهك گهش و چهندين داهاتوييێن خۆ و بۆ بدوماهيك ئينانا خوێندنا خۆ و گههاشتنا تهمهنێ ئاڤاكرنا مالهكێ و خێزانهك بهختهوهر چاڤهرێ رۆژهكێ بۆ(جلكێن سپى يێن بيكانيێ بكهته بهرخۆ چاڤهرێ وێ چهندێ نهبۆ رۆژهك دهێت ب دهستێن بابێ خۆدناڤ جلكێن سوردا بهێته ديتن بۆ خوشتڤى و ههڤالێن خۆ)،پێتڤيه ب ههڤرا ئهم وهك ئهنجومهنێ ئافرهتان و رێكخراوێن پاراستنا مافێن ئافرهتان و سنێله و زارۆكا ب ههڤرا ههڵمهتهكێ راگههينين ب دروشمێ پاراستنا مافێ ئافرهتان و سنێله و زارۆكا كۆ ئيدى چ رۆيدانێن وهكۆ يا كچا سنێله بناڤێ (رهها) دوباره نهبن پێتڤى يه چهندين پێنگاڤ بهێنه هاڤێتن ب رێكێن ياساى لبن چاڤدێرى و رێنمايێن حكومهتا ههرێما كوردستانێ دا ئهڤ رۆيدانێن درندانه دوباره نهبن دناڤ كۆمهڵگهها كوردهروارى دا ،ئهگهر ئهڤ پێنگاڤه نههێن ئهم چاڤهرێ رۆيدانێن مهترسيتر دبينين نه بتنێ كۆ رۆيدان بهێته كرن بهرامبهرى ئافرهتێ ب شێوهيهكێ ئاشكرا، پێتڤى يه ئهسانسورهك ژى بهێت دان ل سهر تورێن كۆمهڵايهتى ژى تايبهت تيك تيكۆ دبينين ب شێوهيهك نهياساى دهێته بكارئينان بۆ كومكرنا هندهك داهاتى ب رێكا نه ياساى و جوان كچێن سنێله يان يێن مهزن بكاردئينن ڤى تورا كۆمهڵايهتى.
دياردا ههره زێده و يا مهترسى نها سهرههڵداى دبينين رۆژانه چهندين كچێن سنێله دهێنه بكارئينان ب رێكا كۆمهڵ كو ژلايێ هندهك كهسان ڤه ههر ترافيكهكى كچهكێ لێ دانن بۆ كومكرنا پاره بناڤێ ههژاريێ و ئهو كهسێ ئهڤ كچه هانداين ئيڤارى وان پاره ژوان د ستينيت ههتا رۆژا پاشتر ئهگهر رێگرى نههێت كرن دبينين دێ كارهسات لديف وان دياردا رۆيدهن،
ئهز وهك ئافرهتهك چالاك ل دهڤهرا شێخان و دهوروبهر رۆژانه چ ب رێكا تورێن كۆمهڵايهتى چ ب رێكا سمينارا رۆژانه چهندين سمينارا ئهنجام دهين و ديسان ب رێكا نڤيسينا بۆ رۆژنامه و مالپهرا دنڤيسم ههموو بۆ وێ چهندێ كۆ دياردا كوشتن و ئهشكهنجه دانا ئافرهتێ و زارۆكا بهرهڤ نهمانێ بچيت، چونكو ل سهر ههر تاكهكهسێ لڤێ كۆمهڵگههێ دژيت سهر وى پێتڤى يه بهرهڤانيێ ژ ئافرهتێ بكهت ژبهركۆ ئافرهت يا كێمتر نينه ههر رهگهزهكێ داي ێ دناڤ كۆمهڵگههێ دژيت.
