محەمەد ئامۆكەیی – زاری كرمانجی:
نیگار نەجات خاڵ هەمزە، بەرپرسی راگەیاندن و پەیوەندییەكانی ئەنجوومەنی مێرگەسۆری یەكێتی ئافرەتانی كوردستان، لە هەڤپەیڤنێكی زاری كرمانجیدا، باس لە رۆڵ و كاریگەریەكانی رێكخراوی یەكێتی ئافرەتان دەكات و جەخت لەوەدەكاتەوە، رێكخراوەكەیان توانیویەتی لە ساتی دامەزراندنییەوە تا ئێستا كاریگەری زۆری هەبێت لە هۆشیاكردنەوە و پێگەیاندنی دەیان ئافرەتی سەركردە.
لە دەستپێكی قسەكانیدا، نیگار نەجات، هێما بۆ ئەوەدەكات” رێكخراوی یەكێتی ئافرەتان، توانیویەتی لەئاست ئەو گۆاڕنكارییانەی كە لەكۆمەڵگەدا روو دەدەن خۆی لەگەڵ رابێنێت وەك خۆی گووتی” ئەم رێكخراوە توانیەتی ئەو گۆڕانكاریانەی كە لەكۆمەڵگە دروست بوونە خۆی بگونجێ نێت و دەستێكی باڵاشی هەیە لە راگەیاندنی ئەو گۆڕانكاریە ئەرێنی و نەرێنییانە كە لە كۆمەڵگە دروست دەبێت، گومان لەوەدانییە پێگەیی ئافرەت لەكۆمەڵگەی كوردی بەرەو باشتر ئەچێت و توانیوویەتی توانا و بوونی خۆی بسەلمێنێت، بەشداری ئەندام بوونیشی لە رێكخراوەكە وایكردووە كە باشتر كار بۆ مافە رەواكانی خۆی بكات، ئەتوانم بلێم ئەم رێكخراوە بەردەوام هەوڵی داوە بە بەرنامەی نوێ پەرە بەكاری رێكخراوەیی خۆی بدات، ئەمەش هۆكار بووە دەستكەوتی گرنگ بۆ ئافرەتانی كوردستان بەدەست بهێنێت.
زیاتر گووتی:” رێكخراوكەمان بەبێ جیاوازی بیروڕا و جێگە و پێگەی هەیە گەیشتن و بەشداریكردنی هاوسەنگانەی ئافرەت لەتەواوی جومگە سەرەكییەكانی هەرەمی دەسەڵات لە كۆمەڵگەدا، پتەوكردنی پەیوەندییە خێزانییەكان و پاراستنی خێزان لە رێگای هۆشیاری و پەروەردەی تاكەكانی خێزان”.
ئەو ئەندامەی یەكێتی ئافرەتانی كوردستان لە بارەی ئەوەی رێكخراوەكەیان چەند توانیویەتی گۆڕانكاری راستە قینە لە دونیا بینینی ئافرەتی كورد بكات، رایدەگەیەنێت:” كاریگەری رێكخراوی یەكێتی ئافرەتانی كوردستان دەرخەری ئەوەیە كە رۆژ لە دووای رۆژ كاریگەرییەكانی بەدەر كەون لە پێگەیاندنی ئافرەت و هۆشیاری كۆمەڵایەتی بۆ كەمكردنەوە توندوتیژی كە خەریكە كۆمەڵگەی ئێمە بەرەو ئاقارێكی توندوتیژی دەڕوات، بۆیەش ئەم رێكخراوە بەرچاو روونی بە ئافرەتانی كوردستان دەدەات تاكو مێینە بە ماف و ئەركی خۆی بزانێت و هەستی پێ بكات، هەر لە دامەزراندنی ئەم رێكخراوە ئافرەتان رۆڵی پێگەی بەهێزیان هەبووە لەسەردەمی شۆڕش دا ئافرەتانی كورد پشتیوانی پێشمەرگە بوون شان بە شانی پیاو رۆڵێكی كاریگەری بینیووە هەم لە خێزان و لە نێو كۆمەڵگەش، دەبینین كە لە حكوومەتیش ئافرەت كاریگەری خۆی هەیەو لە پێناوی دەستەبەركردنی مافەكانی و بەشداریكردن لە كایە سیاسییە جۆراو جۆرەكانی واتا ئافرەت بوێرانە هەوڵی داوە بۆ جێبەجێ گەیاندنی حەز و خولیاكانی تاكو سەركەوتن بەدەست بێن لە ئامانجەكانیان”.
نیگار نەجات خاڵ هەمزە، جەخت لەوەدەكاتەوە، یەكێكی ئافرەتانی كوردستان، توانیویەتی كادیری لێهاتووی نەترس بەرهەم بێنێت تا رووبەرووی ئاستەنگەكانی كۆمەڵگە بێبتەوە، وەك باسی لێوەدەكات:” ئەم رێكخراوە هەمیشە وەكو قوتابخانەی پێگەیاندی ئافرەتان بووە، بۆ بەرەو پێشەچوونی توانایان بووەتە سمبوولی بەهێز بۆ ئافرەتانی دووای خۆیان كە بوێرانە و خۆڕاگرانە لە پشت هەموو ئاستەنگەكانی ئافرەت بووەستن، نموونەی چەندین كادیری ئەم رێكخراوە بوێرانە هەنگاویان ناوە و جێ پەنجەیان دیارە لەكۆمەڵگەدا، ئەمەش دەرخەری بوێری ئافرەتە كە هەمیشە لە هەوڵی ئەمە دایە ئەو سنوورانەی بۆی دیاری كراون رووبەڕویان بووەستێتەوە”.
