زاری کرمانجی – سۆران:
دووای رێکەوتنی شاندی هەرێم و عێراق لەسەر رەوانە کردنی 200 ملیار دیناری مانگانە بۆ تەواو کردنی موچەی فەرمانبەرانی کوردستان، ئەمڕۆ دادگایی باڵای فیدڕاڵی عێراق ڕەوانەکردنی ئەو بڕە پارەیەیی بە کارێکی نایاسایی دیاریی کرد، ئەمەش نیگەرانی شەقامی کوردی لێ کەوتۆتەوە.
د . رێبین سەلام، مامۆستای زانکۆ و چاودێری سیاسی، بە زاری کرمانجی راگەیاند:” ئەو بڕیارەیی دادگای فیدڕاڵی عێراق هەوڵێکی دوژمنکارانیە و هەوڵێکە بۆ تێکدانی نێوان هەولێر و بەغدا، بێگومان ئەمەش دەستێکی سیاسی لە پشتە و دژی بەرژەوەندییەکانی عێراق و خودی سەرۆک وەزیرانەکەیەتی .
ئەو مامۆستای زانکۆ، دەڵێت:” بڕیارەکەی دادگای فیدڕاڵی عێراق، لەسەر ئاستی نێودەوڵەتیش کاریگەری نەرێنی دەبێت، ئەمە لەکاتێکدایە دادگایەکە خۆشی نادەستووریە، چونکە بە پێی بڕیاری بلیمەر ژمارە 30 لە 28 – 3 ـ 2005 دامەزراوە و پێش ئەوەی بووە کە عێراق ببێتە فیدڕاڵی، بەپێی دەستوریە فیدڕاڵییەکەش دەبوا بەپێی ماددەی 93 دادگایەکی دەستوری دابمەزرێت نەک مەرکەزی .
دووپاتی کردەوە:” بڕیارەکانی ئەو دادگایە خۆ ئایەت نین و لە ئاسمانەوە دابەزی بن، ئەگەر دژی دەستور و شەرعیەت بێ، ناکرێ جێبەجێ بکرێت، هەروەها بڕیارەکەی دادگای عێڕاق، کۆتوبەند کردنی حکوومەتەکەی سودانی و سنووردار کردنی دەسەڵاتەکانیەتی، چونکە دواجار بڕیاری سەرۆک وەزیران رەتکرایەوە و لە دژی ئەو رێکەوتنەیە کە خودی سودانی لەگەڵ شاندی هەرێم کردویەتی.
د. رێبین سەلام، گووتیشی:” پێویستە دادگایی فیدڕاڵی عێراق دادپەروەرانە بێ و فیدڕاڵیانە بیر بکاتەوە و دوور بێ لە دەستی سیاسی، کە بێگومان ئەو بڕیاڕەی ئەمڕۆیی بڕیارێکی سیاسییە و دوورە لە یاسایی و فیدڕاڵی”.
