حكومەتی عێراق نەوتی سپی بۆ هەرێم دەنێرێت

زاری كرمانجی – سۆران:
دوای سەردانی مەسرور بارزانی، سەرۆكی حكوومەتی هەرێمی كوردستان بۆ بەغدا، حكوومەتی عێراق رەزامەندی لەسەر ناردنی 50 ملیۆن لیتر نەوتی سپی بۆ هەرێمی كوردستان دا.
سەباح سوبحی، جێگری سەرۆكی لیژنەی نەوت گازی پەرلەمانی عێراق، راگەیاند،:” دوای سەردانەكەی سەرۆكی حكوومەتی هەرێمی كوردستان بۆ بەغدا و هەوڵەكانی ئێمە و نوێنەرایەتیی حكوومەتی هەرێمی كوردستان لە بەغدا، ئەمرۆ چوارشەممە 25/1/2023، وەزارەتی نەوتی عێراق رەزامەندیی دا بە ناردنی ئەو بڕە نەوتە بۆ هەرێمی كوردستان .
جێگری سەرۆكی لیژنەی نەوت گازی پەرلەمانی عێراق، دەڵێت:” لە دەرئەنجامی سەردانی مەسرور بارزانی بۆ بەغدا، ئەمڕۆ بریاری كۆتایی لەبارەی ناردنی نەوتی سپی بۆ هەرێمی كوردستان درا و ئێستا تەنیا باركردنی ماوە.
گووتیشی:” بڕەكەی نزیكەی 50 ملیۆن لیتر نەوتە و ئێستا رەزامەندییەكە گەیشتووەتە كۆمپانیاكە، خۆشمان چاودێریی جێبەجێكردنی بڕیارەكە دەكەین و تەنیا باركردنی نەوتەكە ماوە”.